Ринчин Есүй брэндийг үүсгэн байгуулагч Р. Отгонлхам нь ээжийнхээ үндэсний хувцасыг ганган, хээнцэр маягаар урлаж, эдэлж хэрэглэж байгаагаас нь урам авч сонирхон, өөрийн хүсэл эрмэлзэл, мөрөөдөлдөө хөтлөгдөн энэхүү брэндээ үүсгэн байгуулсан билээ. Үндэсний хувцасны хэв шинжийг орчин үеийн европ хувцасны загвартай хослуулан үндэсний онцлогийг харуулсан шинэлэг соёлыг үүсгэх, өдөр тутмын хэрэглээндээ нэвтрүүлэх, түүнчлэн дэлхийд Монгол хэв шинжтэй хувцасыг таниулан дэлгэрүүлэх зорилготой үйл  ажиллагаагаа явуулж эхэлсэн бөгөөд энэ хугацаанд улирал бүр шинэ цуглуулгаа танилцуулаж, 1000 гаруй цор ганц бүтээгдэхүүнийг зөвхөн захиалагчид зориулан урласан байна.